hey ahawka 7atta wabch fikom ma posta rbo3 kelma .... behilé 3aleyna, narj3ou le7keyetna ...
le7keyti ...
le7keya ...
3ad 9olna el7obb wel bara2a ... houma el 7a99 mta3 rabbi mé dawmouch barcha ...
Ibliss kima ta3rfouh dima eyzonn ...
emba3ed 3ad kbert chowya , we mouch lezem tes2lou haka ettofla elli 7abbitha ena we wled classi el koll fin mchet
emchat we akahaw ... taw narj3oulha emba3ed 3la 5ater na99elt mel makteb.
en7eb ne7kilkom 3al sixième ...
el sedssa edtida2i ... iiiiiih ayyamet
kont mel noujabé2 ...
kont kif nekteb 7aja fel imti7an mta3 el ta3bir el kitabbi, lezem el mou3allem yafra7 beya we ya9rah 3la
b9eyet el class, la ma7ala mokontech wa7di thamma zeda barcha jenoun ya9raw m3aya.
kenet 3endi mou5ayla kbira barcha, ayya etsadd9ou ya jema3a, tall3ou ech kont en7eb natla3????
lé pilote, lé toubib, lé astronaute ...
juste NAJJAR, eyyhh najjar minuisier bel souri !!!!
ken 3endi sandou9 fih el matériel mta3 el nejara, het na3mlou el inventaire :
01 mtar9a kbira
01 mtar9a sghira
150 moussmar em3awej
01 kolléb
01 testra
312 laguchet lou7 ( presk déchets najjar el 7ouma el koll)
ey akahaw, ma 5allit mé sna3t, kréssi, méyed, we barcha 7ajat ma3reftech lechnoua yasl7ou
ema el 9assem el mochtarek lel 7ajet elli sna3thom, houa el ghmoudh!!!!...
s7i7 el korssi elli sn3atou ey9a33ed, emaaaaaa rahou ma ta3rfou kourssi, ken kif ena en9ollek rahou korssi ...
Enzidkom 7aja, ya sidek ena awal tounssi sna3 tayara!!!!!!!!!!!!!!!!!!!!!
ah ... kifech ... tayara !!!!!!!!!!!!
eyyyh tayara, tayara istahlket 80% men ma5zoun el lou7 mté3i ....
rakom tes2lou : we TARET !!!!!???????????
ti bettbi3a lééééé....
ema el marwa7a mte3ha daret!!!
wallahi ya jme3a... wa9teha mani fi beli ettayara heya marwe7a we cabine lou7 kima fel koumik.
mé tetsawrouch 9addech 7zent wa9t elli mataretch ...
ema kif kbert ( we yé litni mé kbert) 3raft 3léch mé taretch ...
el 7assel, wa9t elli est7a99it el tarf lou7, farrekteha we 3awed raskelt ellou7 mte3ha
chi3ari fel nejara ken : 7att chay maydhi3!!!
Narj3ou 3ad lel sizième, mena 9ollna 3ametha bech en3addi elsizième,
el 7assel fel tajribi jit mel awa2el, elmou3allmin we baba we ommi far7anin
3ad jech wa9t el examin final, 9awemtni ommi essbe7 bekri, we jé baba 9ra 3leya chowya 9or2en
we emba3ed chrrbouni mé zemzem, we wakklouni 3ssal we 3dham we zit zitouna we ham azra9!!!
el 7assel 3abbaweni kif echakwa mta3 ellben
ech 5alleni doub mé bdé el examen 5arrejt koll chay fi dharba wa7da we 3la keswet el prof elli ey3ess...
ti el moufid, 5dhit haka el sizième el ma7nouna
we 5rajt men mar7elt ettfoula ...
we ed5alt el mar7elt el mourah9a ...
wel marra ejjeya enkemmelhelkom
we essalem
ya litna ma kberna, 9olt el 7a9!!
wallah ki kberna, kebret m3ana machekelna, we zid fhemna ... we ya litna 93adna 3la 3ména. et Merci 3al les comments ya 3omda
tout le plaisir pour moi, j'attend la suite.. :)
la suite hay 9a3da ettib ;)
hayya 3ad...
yesser supens..
kammlelna lb9iya....
sil3aaaaaaaaaa! :]
aya el ba9i el morah9a el mourah9a
eni kif konnet esghira konet ne7lem bech natla3 maketbajiya emba3ed kif ekberet echwaya e7lemet bech natla3 chauffeur de taxi...7atta enjarra kenet te3jebni!! fil 5 eme primaire au lieu na9ra e5yatta e9rit enjarra j'etais la seule parmis les garcons :D
Sinon mazelet tetfakker malame7 el tofla elli 7abbitha fil primaire?? enI mazzelet netfakker hichem :) ken cha3rou asfar ou 3inih vert konna lebnat el koll madhroubin fih !! kif touffa el 7essa nabdaw el kolna nejriou ou rah fil cour de l'ecole ou houwa meskin yebda hareb :) ama je crois ken madhroub fi haifa sa7betna 3ala 5ater ken 3anedha manteau rose :-D
mouaaaaaaaaaaa777777777777777777 :-)
ma7léha lahkéya jai bcp aimé jatten la suit ;)