oueld_el_7aj yetdhakker


assalamou 3alaykom
assalam 3la asdi9a2i
assalam 3la asdi9a2 al kalimet wal afkar
aywah
lé mé t5afouch mahouch jweb mta3 suicide :p
3endi barcha mé postit chay :'( we hedha li asbab 5arja 3an nita9i
inchallah rja3na we roujou3 bi 9owa ken sahhel rabbi
el youma bech na7kilkom 3al 7aj
el 7aj baba elli ena oueldou betbi3a :p
barra nabdaw melloul
awal dhekra walla taswira na39elha heya taswiret baba emrawa7 mel 5edma
na39lou labess lunette rayban we sac sghir fi yeddou (ken bougoss 3la fekra) we na39al zeda elli houa ken yadh7ak ... 3endi snin mé ritouch yadh7ak ... el dho7k fi wa9tena walla s3ib apparament
3ad fel toufoula mta3i et3addet scénario wa7ed en boucle dima ness2el fi sou2alet 3ajiba kima ayy wa7ed fikom kima :
ena : baba baba ye5i el tayara fiha zommara kima el karheba
El_7aj : euhhhhhh mana3.... chtrafff ti na9ess mel bleda mte3ek we barra ched droussek (maw mayjich el bou ey9oul 9oddem weldou elli hoa mé ya3refch)
ena : baba baba ye5i ech 9a3din ya3mlou haka el 9tatess (scène 3adeya mta3 9attouss we 9attoussa yetkathrou fi errbi3)
El_7aj : chtrafff ti na9ess mel bleda mte3ek we barra ched droussek (7a99ha el chtrafff heya 3ou9ouba tetrawe7 bin 9arrsa 3la wedhneya we bin 5off 3la mou2a5ert ra2ssi)
ena : baba baba a3tini sigarou 5alli netkayef kifik
E_7aj : chtrafffff (dawdi direct men ghir mou9addimet)
ena : baba baba ech ma3neha za***** (kelma 5ayba bel tbi3a) haw 9alhali foulen weld 3ammi foulen
El_7aj : chtraffff (dawdi mta3 7achekom 5nenti telsse9 fel 7it) mani 9otlek ma3adech ettabba3 hal emmarek ( we bettbi3a el foulen elli 9alli hal kelma bech ye5ou dawdi kifi, baba 3endou el moussawet wel 3adl tabdech weld wezir tekel bayek, mathammach 7ad fi 7oumti mé klech tri7a men 3endou we kif etzid trawa7 et9oul el bouk etzid tekel tri7a o5ra, fel 7ouma 9bal medem el 7aj 3tak tri7a rak baz testehel ... bettbi3a tawa lel2assaf tbaddlet barcha 7ajet )

3ad kima ritou el toufoula et3addet el kolleha chtraffff presque
jinech lel mourah9a, el mourah9a kima ta3rfou lezem el wa7ed fina eywalli ye5ou massrouf 7aja tabi3eya, ema el mochkela elli El_7aj mongualtou wa9fa fi 3am sab3in wa9t elli ken el dourou (05 millim) eyjiblek kilo l7am.
3ad sa3at nabda bech nemchi lel cinéma m3a el chabeb sou7abi ntol 3la El_7aj fel sala nal9ah kil 3ada ya9ra fel 9our2en ... nestennah eykammel el aya we :
ena : baba baba
bettbi3a eyhezz rasou we yo5zerli
El_7aj : sada9a allahou el 3adhim
ena : baba bech nemchi lel cinéma m3a sou7abi
El_7aj : chawert ommek
ena : ey baba
El_7aj : behi mé tjich emma5er
(!!!!!!fi belou el cinema blech, dezz el beb we od5el )
ena : ey a3tini 7a9 el ticket we rkoubi
El_7aj : pfffffffffff
eymed El_7aj yeddou el jibou chtren chtren sa3a we houa eycha9cha9 fel sarf ....
El_7aj : chedd
en7el yeddi nal9a zouz dinarat!!!
El_7aj : wenti raja3 et3adda echri 5obztin we rajja3li el be9i ah
behi cheddou m3aya le7sseb ; el car eb 480 wa9teha donc machey we jay dinar, el cinéma eb 1d500, hedhom deja 2d500 we baz chowya 9tanya wé ka3ba GOUCHO el 7assel 3 dinars, zidhom 7a99 5obztin we el be9i elli bech enrajja3houlou tji 9ad 9ad.
elli yasma3 hakka ey9oul rahou Oueld_El_7aj 3oumrou mé mché lel cinéma!!! mouch s7i7 mchit ema el mechya lezemni ensabba9ha 9bal eb jem3tin mel moufawadhat we bettbi3a lezem net3adda bel oumam el motta7da elli heya ommi bettbi3a...
barra na7kiw 3la haka ennhar elli normalement nal9a fih 7adhi ... elli houa el 3id el sghir bettbi3a
3ad 9bal el 3id we fi chhar romdhan tarka7 haka el publicité ta3 el 7weyej fel talveza haw WEEK END LITE haw serwel FANTASIA haw mana3rfech chnowa wena bettbi3a enchedd rass baba echrihomli echrihomli we El_7aj ey9olli behi behi taw ejjem3a jeya nahbtou 5oudh elli et7ebb!!
elli yasma3 hakka ey9oul abab haw emsallekha Oueld_El_7aj!!
haw jekom el taktik
3ad enharet elli eyhabbetni bech nechriw le7weyej, ayya nabdaw endourou 3al boutiket elli fihem el 7ajat elli n7eb nechrihom, wé yabda el 3ardh fi esserwel hadha 9machou 5ayeb, fel maryoul hedha sel3et el 3am lifet, fel sbedri hedha 5yattou mouch behya .... el 7assel minimum 5 sweye3 eydour beya lelli enmout bel t3ab lelli eywalli ma3adech 3ini fel 7weyej we fi sbedri yech3el bel dhaw we mé 3edech 3ini fel 3id men asslou!!!...
wa9teha ey9olli ayya ija lezmek et3ayed ayya ne5tarlek ena lebssa 3la kifi.... ken en9oullou lé2 eykammel eydour beya we eydagudeguli sa9eya bel machey ... bettbi3a fi le5er nestesslem we nhez el raya el bidha... we eyrawa7 El_7aj fari7an masrouran et9oul el 3id lekbar mouch 3id el sghar!!!!
el 7assel hadhouma mo9tatafet men 7yeti
s7i7 kif nou9ef hena eyban El_7aj bih we 3lih mé mouch s7i7, kif kbert fhemt, kif 5demt fhemt, we kif bech en3arress we enjib sghar bech nefhem akther.
El_7aj moujarred mouwadhef we yedd wa7da, we jeyeb 4 sghar en plus donc kif enra elli 3amlou kif enra dar kbira fi blassa behya, kif enra karheba, kif enra 4 sghar kebrou we wallaw rjel menhom zouz ye5demou we zouz mezzelou eykammelou fi 9raythom, kif enra rou7i netsallef men 3endou flouss bech enkammel chahri pourtant ena seken blech we mekel blech nefhem 3lech.
rabbi ey9adderni bech enrajja3lou tarf men jémeylou ( el chtraffff jémeyel zeda rahou, ema mé yarj3ouch :p )
ABIII, ya 7aj, ya a7ssen bou fel denya, rabbi ey5allik, we inchallah na5let enfarr7ek we en7ajjejjek 7ajja o5ra enti we ommi.

22 J'wéb il “oueld_el_7aj yetdhakker”

  1. # Blogger ORchea

    très très émouvant...
    milowel dh7akht barcha ou mba3ed dmou3i wallet fi 3inaya...
    Rabbi yfadhallek weldik ya khouya...
    Ena nefra7 kif nra 3abd conscient (ma na3rafch kifech n9oulha bil 3arbi) bi ch9a il weldin...
    hedhika hiya eddenya winti zeda bech tdha7i kif tjib essghar ou nchallah yetrabbew fi 3izzik...
    Ama vraiment sa7it...  

  2. # Blogger Ammouna

    ya3tik el sa7a weld el 7aj! J'ai adoré!
    Comme orchea, dh7akt barcha au début, mais a la fin, j'etais trop emue!
    rabbi ikhallilék el haj w el hajja.  

  3. # Blogger adel

    asma3 ana ma bkitech raw!! belkoll wallah!! je te jure!!!  

  4. # Blogger adel

    rabbi yfdhel'homlek sa7bi :)  

  5. # Blogger imed

    malla nihaya, j'en ai les larmes aux yeux !!  

  6. # Blogger Ammouna

    ama yesser tayyara! pff!  

  7. # Blogger Sacha

    Berrasmi: très très très émouvant, barcha sincérité, t7ess el vécu, el réalisme, barcha dha7k... une merveille!
    Weld el 7aj: chapeau bas lik... we surtout lel 7aj :)
    rabbi yfadhalhoulek  

  8. # Blogger ex blonde

    twahachet les post mte3ek!!! comme tout le monde j'étais trés émue:-) j'ai adoré chtraaaaff la takra la tekteb. toujours aussi sincère quoi.
    que dieu te préserve tes parents et je te souhaite un jour tes enfants pourront en dire autant:-))  

  9. # Blogger Gattuso

    ya sidi wahdik,
    hassilou kifach y9oulou nattart ill dam3a min 3inaya
    rabbi ykhallilna ab2na w oummahatna w radhihoum 3lina inchallah
    rahou il wahid 9ad ma ya3mil w chwaya  

  10. # Blogger Gattuso

    Hattana 3andi hkaya bech nahkihalik, trah ija w a3mil talla, ya nana ;-))
    http://il3irwi.blogspot.com/  

  11. # Anonymous Mart_oueld_el_7aj

    Azizi, ben des le debut ki bdit na9ra ala il 7aj (7mouya ye jme3a entre ()) wallit nad7ak ou kerchi ma3adech inajem,, surtout a cuz du chtraf,,,, mais apres bien sur c'est emouvant....Azizi rabbi ifadhalhomlek les 2 ou ifadhlik inti laya,, mais rapelle toi elli nhar ekhor tu sera pareil avec nos enfants......
    Nmouuuuuuuuuuuuuuuuuuuuuuut alik,,, ou ala il 7aj.....  

  12. # Blogger Oueld El 7aj

    @orchea, ammouna, adel, imed, sach, ex-blonde, gattuso : MERCI, rabbi eyfadhlelkom waldikom entouma zeda, sém7ouni wallah koll youm nod5el hena we netblouka mé nal9a man9oul
    @gattuso : chneya blog jdid!!!!, ayya mabrouk manzedlek, ti finou el zrir :p
    @marti : maha2ah barra emchi el Tarek mte3ek :p  

  13. # Blogger Gattuso

    j'espère que tu ne m'en voudras pas mais je me suis assez inspiré de ton post pour faire la suite de mon histoire
    dis-moi ce que tu en pense ;-)
    http://il3irwi.blogspot.com/  

  14. # Blogger Nasnoussa

    ya weld el 7aj ya3tiik essa77a w rabbi ikhallilek el 7aj :) 9taltni bedho7k melloul, w fellekher 9riib n9attar dmi3ati tellement kont emue :)  

  15. # Blogger ORchea

    L9it kifech n9oul conscient bil 3arbi: "we3i" :-)
    c t long mais ce qui compte c que g trouvé! :-)
    ti finek ya oueld el haj!  

  16. # Anonymous nemella

    ahla weld elhaj:)) awell mara nji lil blog mte3ek .. ey j'étais surprise de me trouver fil les liens... ya5i 9olt bara na9ralou fech yekteb.. rit elposte twill et tawa minuit et demi b5Olt 3malt talla 3al commentaires l9it orchea tres emouvant .. 9olt mouleha rabi barra na9raou:p ya5i rien à ajouter .. rabi yfadlek weldik .. et yfadlek lihom  

  17. # Blogger Ammouna

    wéééééééééééééééld el haj
    winééééééééééééééééééééééééék
    lé 3ada ma tohrobch 3lina aman!  

  18. # Blogger 24Faubourg

    yesser tayara el HAJ w oueld el HAJ. wenchallah fi haja lina w likom el koll :)  

  19. # Blogger L'esprit de Jack

    Comment est ce que j'ai bien pu manqué ce superbe morceau de bonheur..!!  

  20. # Blogger tounsi

    3allawell kont nes5ibek tetmenyk 3la bouk ou choukitni ebsaraha 3alla 5atir na3rfek 9addech et9ader bouk woumek.
    ammaya3tik essaha ebsaraha.
    enchallah rabi ifedhilhomlek ou rabi i9drek ou ta3mel 7ajja lomek ou bouk.

    3reftni ena chkoun welli lé?  

  21. # Blogger ktitsa

    Yeddaker :
    Koll ma nzid na9ra, yzid e3jebi bik :p
    Ta3ref yesser tfakkarni brou7i ...
    9addech 3omrek ye5i???
    Rabbi yfadalek weldik w inchallah t7ajjajhom!!!! Émine!!!
    tres tres emouvant!!!!  

  22. # Blogger ktitsa

    Je viens de lire ttes tes notes et je tenais à te dire Y3AYCHEK, j’ai adoré ton blog, j’en suis amoureuse :D
    Le sourire ne m’a pas quitté une minute : MERCIIIIII ;)
    tres tres tres emouvant!!!
    au plaisir de te lire;)
    biz  

Enregistrer un commentaire



© 2006 .:. Yawmeyet Atrach Fel Zaffa .:. Oueld El 7aj .:.
No part of the content or the blog may be reproduced without prior written permission.