el kathra ... we zidha el forja we 9ellet el barka
25 J'wéb 7kéha Oueld El 7aj Oueld El 7aj Fi 8/18/2006 .
aywah ...
oumourkom???
bettbi3a labass 3add ... chkoun kifna
echa3b ettounssi kima ech3oub el 3arabeya el koll 3adda sif behi essné
sif mé sarach...
melloul el coupe du monde we koura we jaw
we emba3ed jet el 7arb
normal mé te7chmouch ... 9oulou kifi ... el 7arb fiha jaw akthar ah???
s7i7 fel coupe du monde temrejna chowya men 7keyet les codes ta3 les chaines elli ey3addiw fel matchouwet, we rassetelna nal3bou fel 7ossila m3a el bouquet SRG SWISS we les chaines te3ou (TSR1 TSR2 ...) ema el 7amdoullah t3addat salamat we tfarrejna fel matchouwet el koll presque.
ema 3andi likom 5abar sayya2 jiddan jiddan ...
el 79i9a manich 3aref kifech bech n9oulhelkom
ayya barka je balance tout, hakka walla hakka taw tasm3ou biha la7keya
ya sidek 9allek CANAL+ eyh CANAL+ chret 79ou9 el bath mta3 el 7arb el jeya!!!!
ma3neha terzinaaaaa!!!!
eyh hedha ech 9al el bere7 BUSH elli 3aynouh ra2is el mounadhema el jedida mta3 el 7arb !!! eyh maw kima el koura 3endeha el FIFA, el 7arb 3amloulha el FIWA (Fédération Internationale de War Association) ...
we zid sma3t elli el jazeera bech t7el zouz 9anawet jdod esmehom El Jazeera War1 wel El Jazeera War2.
ma3neha ya chabeb el 7arb el jeya bech trassilna nechriw fel les cartes ta3 l'ART, we 9allek l'abonnement elli fih hal zouz chanètes b 680 dinars el trimista, ma3neha bel 7a9 terzinaaaaa(9oulou amin), ema 9allek elli ye5ou abonnement eb 6 ochhera ye5ou m3ahom el jazerra sport1 we 2 blech (ma7ssoub taw ki tabda thamma 7arb, chkoun bech yetleha bel koura)
we zid haka el chay5 weld 7ram el 9ot3i moula ba9èt ART 9allek kré jaych kamel mta3 boulisseya bech eydourou eyrafflou we eysakkrou elli 9hawi elli yal9awhom em5allin echa3b yetfarrej fel 7arb mou9abel 7a9 capucin !!!! eyh n3am.
ema mé t5afouch bazz taw Tounes7 techri el 7arb m'sajjela, s7i7 bech netfarrjou fiha emma5er chowya ema 5ir men blech, we 7atta ken me chrouhech taw netfarrjou fel 7awssela mta3 el 7arb m3a razi el guanzou3i fel barnamej el jdid mta3ou "il A7ad il 7arbi".
lé welli eyghidhek akthar elli el FIWA bech t5alli el chainat ta3 el radio t3addi el 7arb blech!!
ma3neha ey7ebbouna nmoutou b7assretna!!! nassm3ou we mé nchoufouch .... ey3attchouk we mé eycharrboukech!!!
eyh wallah mass9atthom!!!
ma3neha bech ye7remouna men hakka allama il3a2ileya ellatifa 3la barnamej 7assadou el yawm!!
na3annnnnn
we yehredou el 9ahawi elli fihom talveza
we yehredou el 7ammessa(eyh mahou fi i7ssa2eya 3malha el INS (Institut National des statistiques) 9allek el i9bal 3la el moukassarat wel fawakeh el jaffa yokther wa9t el 7arb)
we bech yehredou zeda dour ennacher wel jarayad(zeda fi i7ssa2eya o5ra 3malha el INS 9allek elli 80% mel 9orra2 yechriw fel jarayed 3la 5ater haka el a5bar el 3ajla elli maktouba fel newsbar el vitesse mta3ha 9weya we mé eynajmouch ya9raweha , hadheka alech yechriw fel jarayed)
we bech yehredou zeda el awliye2 bel les cours particuliers ta3 el joghrafya (fi i7ssa2eya o5ra 9allek 92% mel tlémdha et7assnet a3dédhom fel joghrafia melli bdét el 7arb, chbik tawa esshel ayy wa7ed 3al fallouja we karkouk we 3aytaroun we bent jbil taw ye7kilek 3lihom bel tafssil !!!)
3lah hakka ey7ebbou ye7remouna ba3d mé sannsouna, ti 9allek tawa fel makteb essghir elli yesshoulouh ech t7ebbi twalli ey9oul .... ayya tall3ou trah .... lé lé mouch tbib, ya 7assra 3la tobba .... lé mouch kawerji zeda ... ti lé mouch mzewdi ... eyh hadhika heya mourassal eyh kima ghassan ben jeddou we walid el 3omary !!! eyh eyh (fiha barcha flouss el 5edma hadhika emmela)
hadheka alech el a7zab el tounsseya el mou3ardha welli mouch mou3ardha, wel jam3eyyet mta3 el mojtama3 el madani 9allek mnadhmin tadhahora 7achda ghodwa fi naffs el wa9t wel blassa elli 3amlou fiha el moudhehra ta3 el "moussenda" el lobnan we filastin
en7ebbekom etkounou mawjoudin eb kathra bech tssèndou el 9adheya mta3na (la la mouch 3la filastin we lobnan na7ki!! tachbik ti rakkez ya 3zé) el 9adheya el aham wel akbar elli heya 7a99na fel forja... eyh s7i7 mé konnach 3atinou 9ima 5ater ken 7a99 moktasseb, ema tawa haw newin eyfokkouhoulna!!!
mé lazemnech nosktou ahhhh
lé wel ad'ha wel amar elli elkollhom jéw dheddna ...
7atta men el sayed 7assan nasrallah elli konna 3a9din fih ennawara 9all fi 5itabou el bere7 elli 9anat el manar bech twalli mouchaffra, codé ma3neha!!
eyh we BEN LADEN we El Dhawahri 9allek el tassri7at el sawteya mta3hom bech twalli bel flouss!!!!
ye3jebekchi tawa!!!!!!
eyh we 9allek WARNER BROS wel Metro-Goldwyn-Mayer tféhmou bech eybi3ou les DVD ta3 el saison 7 ta3 el 7arb eb 900$ !!!
we houma zeda kima lo5rin kréw fayla9 kamel men 3and el marines bech yamn3ou el gravure fel 7wenet!! eyh eyh
7atta men haka el wabch BILL GATES ki 3adtou estghal el maw9ef ... eyh 9allek el version eljdida ta3 jeu AGE OF EMIPERS IV elli fiha 7ezb allah we israel wel 3ira9 3amlou fiha faza jdida ta3 securité we raddouha impossible a cracker !!!
ya wallah a7wel
ma3neha tssir 7arb we mé netfrajjouch!!!
tssir 3arka we mé netfarrjouch!!
eyssir accident we mé netffarrjouch!!!
el forja el forja el forja el farja el forja el forja el forja el forjaaaaaaaaaaaaaaaaaaaaaaaaa
ajdedna t7arkou, abé2na sektou, na7na netfarjou, we allahou a3lam weledna ech bech ya3mlou
we dhéka icheblou men dhéka al assad
kraht rou7i, karht 7yeti, kraht dho3fi, kraht même el kerch elli jebetni
BRAVO!!!!!
c la meilleure critique que j'ai lu de la situation actuelle (digne d'une publication dans la presse étrangère :-) iyh 3la khatir la presse national lahya b "ayana tashar allayla" w khitabat il mousanda mta il LBA
au plaisir de te lire encore une fois
@Gattuso : ahla baba, chay ey2assef :( elli sar welli sayèr (merde ché plus koi dire)
putain..je reste 10jours deconnecté et tout change..
meme weld el 7aj rja3 iposti :p
ya oueld el 7aj lé trab7ek, to93ed to93ed w tetarche9 kel 9onblé el dherréya.. aya 5ouya wala bellah lama nchen 3lik 7arb 3issabatt achna3 men 7ezb allah :)
ih 3ad a propos : fel 7arb hedhi rbe7na wala 5serna ?
@gattuso & tous: ce que j'ai adoré de ce post -twa7achna moudhakratek si ould el7aj 3la fekra :p - c'est la critique qu'il y a de notre façon de "voir" les choses (eh oui encore un synonyme de Forja) ...le caractère du Tunsien typique yetla55ass 2asesen fi kelmtin: Etnasniss (wmenha 7ob hal forja), el-vice (g fais exprès de l'écrire ainsi) 5ater ya kabbet sa3dna les autres caractères sont encore des minorités...hadheka elli 9alou 3lih ness bekri: "Elkathra w 9ellet elbarka" !
salem
@7ouss : rit maw ... ema maydoum 7al
@imed : wallahi ech bech n9ollek, enness el koll 5assra fi 7keya kima nhakka
@amel : el forja we el vice ... couple rédox massarach!!!
excellent post! ya oueld el haj pr moi tu restes la référence fi la qualité des posts et le message véhiculé! tbarkallah alik...
je partage tt à fait ton point de vue. et j'ai fini par me désensibiliser à force de me sentir impuissante.
encore bravo...
pourrais tu stp me contacter à cette adresse: orchideas_blog@yahoo.fr
oueld elhaj il te faut une solution..
c pas le genre de chose qui s'ecrit juste sur un blog.. tu devrais te faire payer pour ces chroniques.. c'est tellement complet, concis et subtile que je suis sur que ces articles valent la publication.
enfin bref, Bravo malgrès que c peu:)
qd même ne penses pas à codifier ton blog et vendre des modems:p
dude.. bravo!
un conseil pour ton bien.. effaces "plus pire" avant que orchea debarque :)
@E2J : ey3allik 3'la men ey3adik ya E2J :D el 7amdoullah l9efna el maw9ef 9bal mé techle9 Orchea :D
@Lo5rin : 3lah 7ad mé tkallem fikom!!!
el Comment ba3d el 3amaleya :P :
@Orchea : merci :) se sentir impuissant c vraiment pire que la mort, a7na dhou3afa2 il 3asr hedha ... ema méydom chay
@E2J : merci ... n'codi el blog loooooool la thanna ... eddenya wel open source :D
@Ammouna : ahla Emna ... enti zeda ghebt ... ena kenet 3endi Sa5ta khedma we tawa el hamdoullah wefet :D
Ce commentaire a été supprimé par un administrateur du blog.
cool le nouveau template
Salut,
bonne site et bonne nouvelle... RadioNissma de l´allemagne Live on Skype chaque jeudide 21:00 - 23:00 h, discusion,chat, et musique, Marhbe sur
Radionissma
@houssem & emna : miciiii :)
@ktitsa : mar7bé bik fi 7ouchi :)) zaretna il barka :) ta3ref les comments eyjiwni direct par mail ... we fra7t ki 7allit el mailbox essbé7 we nal9a 10 nouveaux messages non lus, awal marra yodherli :D
Euh euh...
bon euh...
des masses medias de merde ou autre..
euh oui voilà Moudhaffer surgit du coup avec son :
takdhibou takdhibou kanachrat akhbar ma7alya...
assassinant ....
Ahla bik! hedha esmou retour en force :)) 7lowa yesser '7ou9ou9 el bath mte3 el 7arb ejjeya' . Ki yebdew ybi3ou les cartes 9olli
aya romdhanek mabrouk weld el 7aj!!
chapeau bas
:(
Ti winek ya weldi?? Kol mara haka?
Aslama,Bonne Site..
Vous etes Parmis les melleurs Bloggeur choisis par "RadioNissma"Bravo.
Ce soir sur La "Radio-Nissma" 21:30h Live On Skype,
Blogger Talk-Radio,Tunisian WebRadio Baseé a L´allemagne,
Marhba Bikoum
www.radionissma.com
merci sangoura :) nchallah ce week end (ken mé 5demtech bettbi3a) we mar7bé bik :)
wki ma9al bouk el 7aj el mar7oum "zyedet el khir mafiha ndèma" 5allina hakka hana far7anine neklou wnochrbou wnabl3ou nourmal
ahla b oueld el 7aj.
j'arrive peut être en retard mais tu m'as vraiment ébahie aussi bien par tes pensées que pour la facilité que tu as de passer le message à des nuls comme moi.......
(en matière d'arabe littéraire bien sûr).
Bonne continuation et rendez vous el 7arb ejjeya nchallah 5ater ma 5lattech 3la carta , famma ken fel marché noir.